29 dic 2011

2011 foi o ano da muller animadora no IV Festival de Animación Online Animacam

 A directora de animación belga, Britt Raes, e a hispano-danesa Inma Carpe, gañan os Premios das Categorías a mellor Retrospectiva e mellor Multimedia respectivamente, sendo o premio á mellor Curtametraxe, para o director danés, Henrik Malmgren.

A directora belga BRITT RAES, coa súa obra Retrospectiva "I LIKE BIRD" expón un filme que recolle o lado máis interactivo da pueril relación dos máis pequenos cos medios audiovisuais e a reacción que estes espertan na súa mente e imaxinación.

En cambio, a animadora hispano-danesa INMA CARPE, coa súa peza Multimedia "DADDY´S GIRL" realiza unha proposta de anuncio publicitario para BARBIE I CAN BE de MATEL, no que priman as relacións paternais mostrando o seu lado máis amable.

Pola súa banda, o director HENRIK MALMGREN, co seu filme "THE GUEST", xa de gran repercusión en festivais como Siggraph (Los Ángeles); penétranos, a través dun thriller psicolóxico, no candente tema da soidade e a exclusión social dentro da convulsa e controvertida sociedade actual.

206 filmes de 38 países dos 5 continentes (1 de cada 3 dirixido por mulleres) coincidiron nas temáticas das súas películas (crises, guerras e soidade) presentadas á 4ª Edición de Animacam 2011, producido e realizado en Ourense, desde fai catro anos.

O papel que a Muller Animadora desempeñado en Animacam 2011 reflíctese de forma sobresaiente coa súa presenza en case a totalidade de obras presentadas a concurso. A súa notoriedade como directora alcanza 72 películas das 205 obras presentadas a concurso (un 36% do total). Cabe destacar, ademais, que a súa interactividade co Festival é asombrosa e dunha fidelidade crecente e progresiva: o Blog creado na 3ª edición 2010 dende o propio Festival para facer máis visible e notorio o seu traballo (Mulleres Animando), superou, na súa versión inglesa as 41.000 visitas.

Esta cuarta edición de Animacam tivo como selo definitorio a calidade das obras a concurso, logrando reunir, tanto a directoras consagradas como a novas promesas da Animación feminina Internacional.
Desta forma, directores do renome de Monique Renault, Malika Whitaker (Francia), Ellen Meske(Bélxica) , Jisuk Jung (Corea do Sur) e Isabel Herguera (España), entre outras, van da man de xovenes promesas da animación que participaron a través de prestixiosas escolas de arte, cinema e animación de todo o mundo. Entre elas, Supinfocom, Gobelins, Georges Melies, Esma (FRANCIA), ó ECAM e ESDIP (España).

Estas obras poderanse gozar até o comezo da V edición de Animacam na Web do Festival.

28 nov 2011

Jisuk Jung e o seu reflexo da sociedade actual

 Jisuk Jung é unha multiartista coreana, nacida en 1980. A súa achega ao mundo animado comeza en 2002, e dende esta data estivo presente en multitude de festivais de todo o mundo con obras de significativa relevancia. 

A aclamación popular chegoulle por parte do público francés, país onde en 2004 realiza unha presentación dos seus traballos, cultivando unhas fenomenis críticas por parte do sector profesional.Entre as súas mencións máis importantes poderíase destacar primeiros premio e diversas mencións en: "France Flash Festival 2005", na "Internet Festival de Bordeaux", en "Seul Net Festival" e en "Melbourne Festival"; onde triunfou con dúas das súas grandes obras: Reve de Canne e The blue glass bird.

A temática da súa obra céntrase na soidade e o ecoloxismo como reflexo da moderna sociedade globalizada.

Sempre mostrando o seu inconformismo coa perdida da cultura propia, reflicte o concepto de soidade cun sentimento de desesperanza. Este concepto, móstrasenos na temática das súas obras como unha procura dentro dun conflito socializador.

Na vertente máis ecoloxista da súa animación, Jisuk ataca o dano que o ser humano aplica, na súa ansía de crecemento expansionista exacerbado, sobre a natureza. Creando, desta forma, un campo que convida á reflexión sobre a orixe humana dende a súa vertente máis natural.

En canto á súa técnica, Jisuk Jung sérvese dun 2D clásico amparado no debuxo a man, como útil fundamental no desenvolvemento da súa obra. A pesar diso, pódese observar nalgún dos seus traballos o 2D por computador e mix con imaxe real.

Se se tentase facer unha comparación de ambos os aspectos (técnica e temática) con algún artista, sería complicado non atopar unha leve halo reminiscente a Monique Renault e Ellen Meske, tanto no seu estilo como na súa temática revelde e activa. Aínda que Jisuk, móstrase máis propia co uso das cores vivas, con máis contraste e con gran fortaleza. Negros, Vermellos, Azuis e Amarelos ocres buscan o contraste do branco, característico das figuras principais das súas obras.

Para que coñezades de forma máis detallada o seu traballo, dende o Festival Internacional de Animación "Animacam", presentase un especial sobre esta artista que poderedes gozar a través de 8 das súas obras máis significativas.

Son as seguintes:









 Podes acceder a cada unha destas obras animadas facendo click no seu título
 
Prohibido perdelas !!!


28 oct 2011

Isabel Herguera, un referente dentro da animación española.

Naceu en Donostia-San Sebastián, 1961. Descubriu a animación grazas a un amigo que lle ensinou como funcionaba unha cámara Bolex e cedeulle a súa truca de animación. Desde entón imaxina historias que leva a cabo en diversos lugares do mundo sobre escenarios que sempre caben na maleta.

Durante anos traballou en varios estudos de animación en Los Ángeles, EE UU. En 2003 regresou a Donostia e desde entón dirixe ANIMAC, a Mostra Internacional de Cinema de Animación de Catalunya, en Lleida, e imparte clases de animación na India, onde se escapa sempre que pode a debuxar en cadernos vellos, sobre todo en estacións de tren e paradas de autobús.

Filmografía da directora

1988 Spain Loves You (16 mm, 5 min. Animation)

1989 Safan (16 mm, 4 min. Animation)

1989 Cante de ida y vuelta (16 mm, 4 min. Animation)

1993 Los muertitos (16 rnm, 10 min. Animation)

2005 La gallina ciega (35 mm, 8 min. Animation)

2010 Amar (35 mm, 8 min. Animation)

A súa última obra "Ámár", que cultivou grandes premios e vén de vencer no XVI Festival Internacional de Cinema de Ourense, cóntanos a historia de Inés e a viaxe que esta realiza á India a visitar ao seu amigo Ámár, quen vive desde hai anos internado nun sanatorio mental. Inés lembra os últimos días que pasaron xuntos e a súa promesa de regresar.

30 sept 2011

As mulleres animadoras apostan por Animacam


Esta semana temos unha mención especial e exclusiva para as mulleres animadoras que presentan as súas obras en Animacam.

Para comezar a semana temos o inmenso pracer de facer unha homenaxe ao crecente número de mulleres animadoras que presentan os seus traballos en Animacam.

Cada categoría estrea diversas obras de mulleres animadoras de diferentes países que se resumen da seguinte maneira:

De Romanía chéganos a curtametraxe "How to deal with non sense", unha obra de Veronica Solomon. O mundo sempre che parece coherente e comprensible? Pero por que loitar por comprender todo cando con alegría podémonos deslizar a través das capas da razón?

Seguindo en curtametraxe e dende Arxentina, resúltanos sumamente gratificante presentarvos "Benteveo". Unha obra da xa habitual participante nesta IV edición Ileana Andrea Gómez Gavinoser, que volverá alagar con poesía e sentimento a carteleira de Animacam.

Para a categoría multimedia e dende Alemaña, temos o gusto de presentarvos a obra de Antje Heyn, "Lumo", unha película de interacción entre o debuxante e o seu debuxo, entre dous personaxes e entre o pensador e o pensamento.

Continuado  coas presentacións, que mellor que presentar a Ingrid Esteve Martín, que dende Inglaterra nos trae 3 interesantísimas obras de animación. Son as seguintes:

Na categoría multimedia temos un vídeo promocional para de "The Fashion Fix", un éxito virtual en Second Life que, se o desexas, pode converterte na presentadora ou presentador virtual máis fashion .

Tamén nesta categoría  agasállanos cun traballo para unha presentación de Will Wright, "Meme Signal". Unha interesante proposta, Ingrid!

Para lembrar os seus tempos de estudante en España, Ingrid rememora esta época con "O tramposo", un traballo divertido e irónico que competirá na categoría retrospectiva por un premio de 600 Euros.
Dentro da cateogía retrospectiva, un ano máis, a figura de Monique Renault será  a nosa protagonista presentándonos varios films clásicos que, en compañía de Hellen Meske á dirección, móstrannos o lado feminino máis activo da Animación dos anos 80 e 90. Estes son os Films de Monique e Hellen:

Con "Hands off" preséntannos un Filme educativo que pretende un estímulo para o debate dentro dunha campaña máis ampla contra a violencia de xénero.

"Long live the sexual revolution" ofrécenos a historia dun home que fai unha planificación e prepárase para facer o amor coa súa parella, sen preocuparse de se o desexo é mutuo. Non parece que a súa parella teña o mesmo desexo ca el ...

E xa en solitario, Monique ilústranos con "La Dona e Mobile", unha viaxe ás fantasías masculinas vista a través dos ollos dunha muller, baseada na famosa opera do Rigoleto de Verdi. O duque de Mantua soña con espidos, languidecendo belezas. As mulleres representan as famosas pinturas de: Matisse, Ingres, Boticelli, Degas, deleitándose coa beleza dun pousado ou nun xesto sensual.





23 sept 2011

Homenaxe do Cinema infatil a Maite Ruiz de Austri en Nova York

Fonte info: CIMA
O Festival de cinema infantil KidCinemaFest Filme en Nova York, que se celebra entre o 24 e 30 de outubro, dedicará unha retrospectiva a Maite Ruiz de Austri, única muller que dirixe habitualmente longametraxes de animación en España.

Maite Ruiz de Austri recibirá o recoñecemento do Festival KidCinemaFest Filme de Nova York na súa nova edición. O certame proxectará algunhas das películas da creadora, como "O regreso do Vento do Norte", "Que veciños tan animais"-ambas as galardoadas cun Premio Goya-, "A Lenda do Unicornio", "Animal Channel" e a máis recente "O Tesouro do Rei Midas".

A homenaxe chega xustamente cando Maite Ruiz de Austri prepara a produción da súa sexta longametraxe, unha película tamén de animación que levará o título de "A extraordinaria viaxe de Lucius Dumb" e no que se tratará o tema dos Dereitos Humanos da Infancia.

Non é o primeiro recoñecemento que a creadora recibe de Nova York, xa que en 1988 conquistou a Medalla de Prata do Festival Internacional de Televisión de Nova York.





19 sept 2011

Estudiantes da Ecolé Georges Meliès presentan as súas obras en Animacam IV edición (part1)

 Da man dos amigos de Premium Films, os alumnos da prestixiosa escola francesa Georges Meliès presentan as súas obras a Concurso en Animacam IV.

Para empezar a semana ao grande, tal e como prometeramos, presentámosvos a primeira entrega das obras dos animadores da escola francesa Georges Meliès.

Nesta primeira entrega, catro obras dos estudantes da prestixiosa escola francesa entran a competición na IV edición do Festival internacional de Animación Online "Animacam". Estas obras competirán na categoría curtametraxe por un premio de 600 euros que irá acompañado do prestixio e recoñecemento internacional.

Nunha entrega que se completará o vindeiro mércores coa estrea doutras catro obras, dende Animacam temos o inmenso pracer de presentarvos:

"Carpates Express", un filme de Doris Bachelier e Maéva Viricel, que por medio dun mix 2D-3D nárranos a inusual odisea dun viaxeiro a bordo dun tren cheo de fantasía.

Con "Cuisine Jap", Amine Beckoury, David Fernández e François Dumolin móstrannos unha divertida alternativa á orixe da cociña xaponesa actual identificada na creación do afamado Sushi nun filme cunha leve alusión ao Bushido.

Lucie Mayjonade móstranos na súa curtametraxe de animación "Haï Puka", unha viaxe a través da imaxinación dunha nena nunha aventura chea de tenrura e fantasía dotado dunha coidada ambientación musical.

Para finalizar Guilhem Salines, Jean-Baptiste Bister, Marine Perraudin e Mathieu Goudet de Landres preséntannos en "Ecole Maternelle" a traumática toma de contacto dun párvulo coa gardaría. Un filme cheo de sentimento co que a recado máis dun sentirá identificado.

Visita Animacam IV Edición
 

16 sept 2011

Novos filmes a concurso en Animacam

Alemaña, Arxentina, Austria e España acollen aos filmes que entran hoxe a competición en Animacam IV edición.

Despois da gran acollida que recibiron os films presentados o pasado martes na estrea de Animacam 2011, xa son masivos os envíos de obras para a súa exhibición e posta en competición nesta cuarta entrega de Animacam.

Para rematar a semana presentámosvos unha máis que interesante selección de filmes, que a recado farán as vosas delicias.

Na categoría curtametraxe temos o pracer de presentarvos "Wallflower Tango", un filme de Wolfram Kampffmayer, que nos chega desde Alemaña da man do produtor Sebastian Weimann. Este curto de animación cóntanos a historia de Charlotte e Kalle, unha apaixonada do tango e un ladrón, que nos deleitarán cun pasional baile nun filme con moita faragulla.

Para acompañalo, desde Arxentina a cortesía de Ileana Andrea Gómez Gavinoser, con "Pío,pío", exhíbenos unha preciosa historia dun paxariño a procura dún fogar. A recado que este traballo fará as delicias dos máis pequenos.

Ileana será tamén una das nosas protagonistas na categoría Retrospectiva. Os traballos "Mar" e "Os bufos apagados" móstrannos o seu lado máis artístico e reflexivo. Coa súa obra "Mar", móstrasenos unha desconexión poética por medio das bágoas dunha muller e os seus efectos sobre o mar. Mentres que con "Os Bufos apagados" convídanos a reflexionar sobre a formación e a educación na súa plasmación dentro da sociedade da cultura.

Na súa compañía, e desde Austria, o director de orixe iraniana Taha Ghamini Fard tráenos dúas films cargados de sentimento e identificación coa súa terra. A súa obra "Hello" mostra unha sincera homenaxe aos primeiros profesores para nenos xordos en Irán. Mentres que con "100 years of Oil" Ghamini rememora o primeiro traballo de extracción de Petroleo en Oriente Medio.

Para finalizar, Amor Díaz agasállanos na categoría Multimedia coa súa videoarte "Cabalo de Santiago", onde recolle con gran notoriedade poética e impecable ambientación musical o peregrinar deste significativo animal rumbo á capital compostelá.


Desexando que gocedes da nosa proposta para o fin de semana, adiantámosvos que a próxima semana contarémos con diversas obras de alumnos dunha das escolas de animación máis prestixiosas do panorama. Os alumnos da escola francesa Georges Meliès compartirán os seus traballos con toda a gran familia que conformades o Festival Animacam.

Saúdos Animados e moi bo fin de semana a tod@s!!!

Visita Animacam IV edición

Coñece a Escola Georges Meliès

13 sept 2011

Benvidos a Animacam IV edición

 Un ano máis arrinca unha nova edición do Festival Internacional de Animación Online "Animacam" e nesta cuarta edición é un pracer volver compartir convosco estes marabillosos momentos animados.

En 2011 pretendemos seguir compartindo interesantísimas obras de todos os recunchos do mundo, así coma unha morea de novidades interactivas a través da renovado Web "animacam.tv".

Entre estas novidades que vos atopardes e iredes descubrindo nos próximos días, destacámosvos un novo formato de visionado onde poderedes seleccionar a opción de ver os vídeos en calidade normal ou HD. Todo iso para que a conexión de rede non supoña un impedimento á hora de gozar do traballo da gran familia Animacam.

Á súa vez, ofrecémosvos unha Web máis dinámica, interactiva e intuitiva para que gocedes na súa máxima esencia cada un dos momentos que compartamos xuntos.

Para iniciar esta singradura 2011 temos o pracer de presentarvos un representativo grupo de films que a recado resumen a esencia do festival:

Como toma de contacto, os compañeiros de ECAM remítennos tres estupendos films que optarán á categoría de curtametraxe e que se extractan da seguinte forma:

"Dogballs", dirixido por Ernesto Felipe e Hugo Llanas, é un thriller de animación no que se nos mostra o traballo dun especializado asasino a soldo no trato cun dos seus clientes. Esta recoñecida curtametraxe de animación desprende unha intensa esencia a cinema negro do bo.

"Iso pásache por Barroco" é un divertido proxecto realizado por Pablo Serrano, Elsa Esteban, Anxo Fariña, Vicky González, Adrián Parra, Juan E. Forero e Iria Salgado quen, a través dun traballado Stop-Motion con plastilina, móstrannos a desenfada historia dun comensal co seu alimento. A risa está asegurada amig@s...

O contrapunto máis intenso chéganos da intrigante man de Zoe Berriatúa, que nos conta por media da súa inquietante animación, "A cousa da esquina", a turbadora historia de Janus Harper nunha loita co seu subconsciente, ou quizais a súa realidade... xulgade por vos mesmos.

Estes tres films optarán ao premio da súa categoría acompañados dunha excelente curtametraxe de animación, cortesía de Alejandro Salmerón Galindo que co seu "Réquiem" móstranos, cunha metraxe próxima aos 20 minutos, a procura dun moribundo pola súa salvación. Logrará acadala?

Para rematar as presentacións, a nota internacional chéganos de Grecia da man de Irili Siresli, que propón un lado máis ecoloxista coas animacións "Mission Earth 1" e "Mission Earth 2". Un gran traballo que convida a unha sincera reflexión e concienciación natural.


9 feb 2011

NOTICIAS DE ULTIMA HORA ANIMACAM 2011

Animacam 4ª Edición 2011 comezará o 12 de Setembro de 2011

Acordo de Colaboración Animacam-Festival Eurocine 2011, Colombia

Querid@s amig@s, informámosvos que a 4ª Edición de Animacam 2011, finalmente, comezará o 12 de Setembro de 2011, con novedades e sorpresas nas que estamos traballando e esperamos que satisfagan a tod@s.

Ata daquela, presentámosvos unha nova: o Acordo de Colaboración, recén creado, entre a CONSELLERÍA CULTURAL DA EMBAIXADA DE ESPAÑA EN COLOMBIA e ANIMACAM para a Exhibición e Promoción en Latinoamérica da Curtametraxe Europea de Animación, participante nas Edicións 2ª e 3ª de Animacam. As curtas, pertencentes á Categoría Curtametraxee, das Seccións Oficiais de Animacam 209-2010, serán exhibidas no Festival Eurocine 2011 que se celebrará en Bogotá do 27 de Abril ao 8 de Maio de 2011. Desexamos que a iniciativa resulte do voso agrado.


PRESENTACIÓN DE “EUROCINE” POLA EMBIXADA ESPAÑOLA

EUROCINE http://www.festivaleurocine.com/2010/ naceu coa vontade de diversificar a proposta cinematográfica de Colombia, abrindo espacios ao cine Europeo de calidade, apenas representado ata agora nos circuitos tradicionais. Esta edición 2011 quere facer fincapé na Animación, xénero no que os creadores europeos ten demostrado históricamente un grande saber facer.

A Consellaría Cultural da Embaixada de España en Colombia

quere convidar aos Participantes Europeos de Animacam na Categoría de Curtametraxe, nas Ediciones 2009/2010, a enviar as súas Curtas para Participar na Sección de Exhibición-Promoción do Festival Eurocine 2011, que se celebrará en Bogotá do 27 de abril ao 8 de maio de 2011.


COMO PARTICIPAR

            Os interesados poden enviar as súas Curtas, subtitulados ao español,  (2 Copias en DVD PAL-Máxima Calidade) a Animacam.tv · Tecnópole · Edificio CEI–Nido 19 Buzón 35 · 32900 San Cibrao das Viñas · Ourense · España, deica o 25 de marzo de 2011. Unha vez alí, o Equipo Animacam enviaráos por Valixa Diplomática á Embaixada Española en Colombia.
O Comité Asesor de Eurocine na Embaixada de España realizará unha selección final de acordo a criterios de representatividade e calidade a partires da convocatoria de ANIMACAM. Esta selección é a que finalmente será amosada, e así se comunicará aos seleccionados.
            Animacam non percibe nengún tipo de remuneración económica pola xestión e organización deste evento desde España: é unha colaboración desinteresada con Eurocine 2011 para a promoción en Latinoamérica do cine Europeo de Animación participante en Animacam en 2009, 2010.

Moitas gracias a tod@s. Saúdos Animados! Equipo Animacam.